بالفيديو والصور.. «ابتسامة رئيس» و «رقص» و «قبلات» الأبرز في «الاستفتاء»

شهد اليوم الأول من الاستفتاء على مشروع الدستور، الثلاثاء، مجموعة من المشاهد اللافتة، التي حازت اهتمام، وأثارت تعليقات وردود فعل عبر شبكات التواصل الاجتماعي.

ابتسامة عدلي منصور

حظت ابتسامة الرئيس عدلي منصور، بعد إدلائه بصوته بمقر اللجنة الانتخابية بمدرسة مصر الجديدة الثانوية، اهتمام مستخدمي شبكات التواصل، ووصفه بعضهم بأنه «أبوضحكة جنان».

بس ما ننكرش ان ضحكة عدلى منصور هى احلى حاجة حصلت النهاردة .

— خاف من خلفة الهبلة (@bad_sayler) January 14, 2014

سيبكم انتم .. ضحكة الريش #عدلى_منصور بعد ما صوت عالدستور اليوم وحط صوباعه فى الحبر حلوه مفيش كلام .. #آه_والنعمه #مصر

— ISLAM SULTAN (@IM_sultan) January 14, 2014

كفاية ضحكة عدلى منصور والله احنا لازم كل يوم نعمل استفتاء علشان الراجل ده يضحك

— MiDo (@MiDoOz_) January 14, 2014

كما لقي مشهد تقديم الرئيس كفيفًا عليه في الطابور لكي يتمكن من التصويت إشادة مستخدمي شبكات التواصل الاجتماعي .

الرقص في طوابير التصويت

تناقل نشطاء مقاطع فيديو أظهرت رقص سيدات داخل وخارج لجان التصويت على أنغام أغنية «تسلم الأيادي»، وسط هتافات مؤيدة للجيش وأخرى مناهضة لـ«الإخوان».

أنا سعيدة إن الناس فرحانة رغم اختلافي الشديد معاهم و مع أسباب فرحتهم! الشعب مكبوت لدرجة إن الستات رقصت في الشارع و دي حاجة في حد ذاتها مذهلة

— Farah Saafan (@FarahSaafan) January 14, 2014

و محدش يقنعنى ان الستات الى بتزغرط و بترقص و بتتصور دى قرت الدستور مادة مادة و موافقة عليهم . هتﻻقى نصهم بيتابعوا لميس الحديدى .

— Nervana Shaheen (@NervanaShaheen) January 14, 2014

مشاركة قوية من السيدات

ولفتت مشاركة النساء القوية في اليوم الأول من الاستفتاء على الدستور، الانتباه، وظهر ذلك من خلال طوابير السيدات الممتدة لمسافات كبيرة بمحيط لجان التصويت.

بالمنظر ده الستات والبنات لو عملوا ثورة لوحدهم ممكن يكسبوا بجد، جتنا نيلة في ثورتنا الهباب

— Hesham Mansour (@Heshoz) January 14, 2014

بعد اللى حصل النهاردة من ستات مصر البلد دي لازم تحكمها واحده ست كفاية لحد كده للرجالة :)

— Samira Ibrahim (@SamiraIbrahim4) January 14, 2014

الستات احتلوا البلد :D :D ايه كل الستات دي يا #مصر .. الرجاله لازم تحمد ربنا اننا سايبنهم ياكلوا عيش :D

— SHERWIT EL SEHT (@_Sherwit_) January 14, 2014

تقبيل السيدات لضباط وأفراد الجيش

"@RabaaHeros: كل الستات بتبوس الجيش ليه ليه ؟؟ كدة كتير ؟؟ ده انقلاب يا جماعة ؟؟ أنا مش عارف أنام pic.twitter.com/geMqrjqRU3" عايز يتباس :-D

— hameess (@Hameess) January 14, 2014

الستات .. بتبوس واحنا لسه بداية خارطة الطريق طيب علي آخر خارطة الطريق ايه اللي هـيحصل يا مرك يا مهجة #مصر #الدستور

— محمد .. (@MOH_SA33) January 14, 2014

@Heshoz Pic of the day #egypt pic.twitter.com/cDQHq0v5Bv

— Ghada Ezzeldin (@GhadaEzz1) January 14, 2014

يشار إلى أن إجمالي عدد من يحق لهم التصويت في الاستفتاء يبلغ 52 مليونًا و742 ألفًا 139 ناخبًا، موزعين على 30 ألفًا و317 لجنة فرعية و13 ألفًا 867 مقرًا انتخابيًا، ويشرف على الاستفتاء 13 ألفًا و867 قاضيًا. وانتهت أعمال التصويت في اليوم الأول في التاسعة من مساء الثلاثاء، على أن يستأنف التصويت في التاسعة من صباح الأربعاء.